I nxehti afrikan është shoqëruar me temperatura të larta. Në disa zona si Elbasan, Berat dhe Shkodër termometri shënoi temperatura deri në 40 gradë, por fundjava duket se do të sjellë ulje të tyre.
“Parashikohet që në vendin tonë të shënohet vlera 39 apo 40 gradë Celsius. Zonat që do të jenë me temperaturat më të larta janë Elbasani, Berati, por po ashtu edhe Shkodra. Parashikohet që fundjava të sjellë tërheqje të valës së të nxehtit duke bërë që të kemi dhe rënie të ndjeshme të temperaturave të ajrit. Por më të fokusuara mbeten në gjysmën lindore të territorit shqiptar duke bërë të krijohen dhe mundësira për reshje shiu, herë pas here pritet të jenë dhe në formën e rrebesheve,”- tha për Tv Klan sinoptikani Hakil Osmani.
Sinoptikanët parashikojnë që dy javët e dyta të gushtit të jenë të favorshme për të gjithë ata që pushojnë me temperatura jo më të larta se 35 gradë.
