Të bëhesh pjesë e një eventi shpesh duhet të sigurosh një ftesë! Të gjithë kemi dëshirën, që të shijojmë ndonjë pije me muzikën në sfond, të eksplorojmë atë që promovohet dhe të takojmë nga afër disa nga personazhet publikë më të dashur, që i ndjekim kudo në rrjetet sociale.
Në rastin e kësaj të enjte, nuk ju nevojitet një ftesë, pasi eventi do të organizohet pikërisht për ju!
“Swatch” në Shqipëri organizon eventin e tij të parë më 19 tetor dhe fton që të bëhen pjesë e tij të gjithë adhuruesit e orëve, ata që ndjekin trendet e fundit apo që janë kuriozë të hyjnë në botën e markës zvicerane të orëve.
I ndodhur në Qendrën Metropol, Rr. Sami Frashëri, eventi “Swatch Gala Night” është menduar në këtë mënyrë: me DJ, banket të hapur dhe biseda me personazhet e njohur. Kjo është një mënyrë e mirë për të kaluar pasditen e së enjtes dhe për t’u njohur me koleksionet më të fundit të “Swatch”, të cilat janë përshtatur për elegancë absolute të të përditshmes.
Orët janë dizajnuar që të shkëlqejnë po aq ndritshëm gjatë ditës, ashtu si edhe gjatë natës.
Si i kanë realizuar këto 2 efekte në 1 orë?
Këtë të enjte do të zbuloni orët që janë si një magnet, për të tërhequr vëmendjen: elegante gjatë ditës dhe joshëse gjatë natës. Por jo vetëm kaq, pasi shumë surpriza janë rezervuar për atë ditë.
Një gjë e rëndësishme sigurisht që është kodi i veshjes! Nëse menduat diçka “gala” atëherë iu themi se është e kundërta, zgjidhni diçka “casual”, me detajet që nxjerrin në pah stilin dhe karakterin tuaj.
Personazhet publik që do të bëhen pjesë e eventit bashkë me ju vijnë nga fusha të ndryshme.
Të gjithë e njihni tashmë blogeren e modës, Estela Ujkën.
Ajo do të jetë e gatshme që t’u përgjigjet për këshillat e stilit që mund të kërkoni prej saj, si dhe t’iu ndihmojë që të zgjidhni orën që i përshtatet më mirë tipit tuaj.
Bashkë me ftesën e personalizuar, blogeres iu dhurua edhe një orë që i shkonte përshtat stilit të saj të të veshurit.
Po ashtu stilisti i shumë personazheve të njohur shqiptarë, Niko Komani, do të ndodhet aty për të shijuar një pije me ju dhe për t’i dhënë truke stili meshkujve apo femrave.
Gjithashtu moderatorja Aulona Musta tregoi dje përmes një fotoje, ku publikoi foton e ftesës dhe orës së dhuruar se do të bëhet pjesë e eventit.
Por në listën e gjatë të të ftuarve ndër të tjerët janë edhe Ardit Gjebrea, Roza Lati, Eno Popi, Anjeza Maja, Isli Islami, Arlinda Dudaj, Briken Fejzullai etj.
I ftuari i radhës tani je ti!
Burimi: Iconstyle.al
