Kreu i Autoritetit Shëndetësor, Jerome Salomon, ka bërë të ditur se në Francë është shënuar viktima e dytë e infektuar me koronavirus.
Viktima është një burrë 50 vjeç, i cili ka ndërruar jetë gjatë mbrëmjes në një spital në Paris.
Viktima e parë në Francë ishte një turist kinez 80-vjeçar, i cili ndërroi jetë më 14 shkurt në një hotel në Cote-d’Or.
Gjithashtu, në Francë janë konfirmuar edhe 5 raste të tjera të cilat rezultojnë me Covid-19.
Bëhet fjalë për një vajzë kineze e kthyer nga Kina, një francëz i kthyer nga Italia, një 55-vjeçar i cili ndodhet në gjendje të rëndë në Amiens dhe një 36-vjeçar në Strasburg, i cili sapo është kthyer nga Lombardia.
