Një i ri shqiptar është gjetur i pajetë, mëngjesin e së enjtes në një autostradë në Francë. “Ora News” raporton se viktima është një shtetas shqiptar 26-vjeçar, azilkërkues në shtetin francez, identiteti i së cilit nuk është bërë ende i ditur.
Policia franceze dyshon se i riu mund të ketë ndërruar jetë si pasojë e një aksidenti rrugor, teksa dy makina mund ta kenë përplasur. Por nuk përjashtohet edhe hipoteza se ai mund të ketë rënë nga ura.
Ai është gjetur i pajetë në autostradën që lidh Metz-in me Borny-n, në urën “Vignoble”. Trupi i viktimës do t’i nënshtrohet autopsisë, ditën e hënë.
Të gjitha pistat janë nën verifikimin e hetuesve.
