Kylian Mbappe është lënë jashtë skuadrës së Francës për dy ndeshjet e këtij muaji në Ligën e Kombeve kundër Izraelit dhe Belgjikës.
Trajneri Didier Deschamps në bashkëpunim me klubin e Real Madridit kanë vendosur që sulmuesi këtë herë të mos jetë në grup.
Shkak për këtë është një dëmtim i pësuar nga lojtari pak ditë më parë. Mbappe është rikuperuar, por një grumbullim në ekipin kombëtar mund t’i sjellë atij një tjetër dëmtim dhe për këtë arsye është lënë jashtë.
