Transformimi i gjithë jetës sonë sociale dhe ekonomike si pasojë e pandemisë së koronavirusit duket se do të qëndrojë!
Ndërsa shumë vende po lehtësojnë kufizimet dhe masat e izolimit, banorët po u kthehen hapësirave dhe vendeve të vjetra që frekuentonin, por këtë herë më të mbrojtur dhe të kujdesshëm se më parë.
Shumë nga këto ndryshime që përfshijnë distancimin social mund të qëndrojnë për ca kohë. Edhe pasi të parandalohet koronavirusi, rreziku i një valë të re të infektimit do të mbetet për aq kohë sa një vaksinë nuk është e disponueshme, e cila mund të zgjasë midis nëntë muajve deri dy vjet.
Për më tepër, shkencëtarët thonë se sëmundje të reja, po aq shkatërruese, mund të paralizojnë njerëzimin në të ardhmen, ashtu si koronavirusi ka bërë në vitin 2020.
Për ata që punojnë në planifikimin e qyteteve tona të ardhshme dhe hapësirave publike, pandemia është një kërcënim marramendës që kërkon masa të menjëhershme – dhe një mundësi për të rimenduar se si jetojmë, lëvizim dhe mblidhemi.
Nga plazhi te palestrat, më poshtë po sjellim disa foto sesi mund të duket bota në të ardhmen, sipas BBC: 
