Beyonc e nisi hitin e saj “Halo” gjatë koncertit të parë në turin “Formation” me një mesazh, drejtuar bashkëshortit të saj simpatik. “Unë dua t’ia dedikojë këtë këngë bashkëshortit tim simpatik”, iu drejtua ajo Jay Z, duke mbyllur thashethemet publikisht lidhur me zërat për divorcin e çiftit.
Më pas këngëtarja shpërndau disa foto nga mbrapa skenat në stadiumin Marlins Park, por njerëzit kanë vënë re se Beyonce shfaqet pa unazën e saj të martesës. Gjithashtu edhe Jay Z u fotografua te shfaqja pa unazën e tij.
A është ky një mesazh, qëkur është paraqitja e saj e parë pas Lemonade? A janë ata në telashe? Janë këto pyetjet e njerëzve. Beyonce dhe Jay Z kanë një tatuazh njësoj “IV” në gishtin e tyre të unazës, një numër i rëndësishëm për të dy pasi ditëlindjet e tyre janë në datën 4
Por E! shkruan se tatuazhi i Bey është zbehur. Këngëtarja u përfol fillimisht se e hoqi të sajën pasi postoi një foto në 2014-n. Çfarë do të thotë kjo?
Zyrtarisht asgjë, pasi mund të ketë shumë arsye që dikush të mos mbajë unazën e martesës. Jo të gjitha shenjat sinjalizojnë një ndarje apo divorc.
Po gjithsesi ky fakt do të rindezë sërish pyetjen se çfarë po ndodh saktësisht mes çiftit të fuqishëm, që u martuan në 2008-n dhe kanë një vajzë 4-vjeçare Blue Ivy.
Burimi: Elle
