Më shumë se 840 persona kanë humbur jetën në Haiti, si pasojë e uraganit Matthew dhe numri i tyre pritet të rritet ndjeshëm në ditët në vazhdim, teksa skuadrat e shpëtimit kanë mundur më në fund të depërtojnë në zonat jugore të vendit.
Gjashtë persona kanë ndërruar jetë në Shtetet e Bashkuara të Amerikës, që kur uragani e goditi mëngjesin e së premtes. Shumë nga fluturimet janë anuluar, ndërsa transporti është i pamundur.
3,500 persona janë ende në pritjes së ndihmës në Tahiti, ku fotot dëshmojnë se është një kaos.
Organizatat humanitare kanë bërë të ditur se do të duhen edhe disa ditë të tjera për të kuptuar forcën e vërtetë shkatërruese të uraganit. Zonat më të prekura nga katastrofa kanë qenë ato jug-perëndimore, ndërsa qyteti Jeremie është shkatërruar në masën 80%.
Qindra shtëpi janë rrafshuar nga sipërfaqja e tokës, kurse në disa zona, dëmet ende nuk janë përcaktuar pasi janë të mbuluara nga uji. Uragani i kategorisë së tretë me erëra me shpejtësi 230 km/orë shkaktoi dëme të jashtëzakonshme.
Për të bllokuarit, shpresa e vetme është të ruajnë qetësinë, të qëndrojnë në vende sa më të sigurta dhe përjashto ndonjë fatkeqësi, të shpresojnë te përmirësimi i kushteve të motit derisa ekipet paramjekësore dhe zjarrfikësit të mund të shkojnë atje për t’i ndihmuar.
*Shfleto galerinë
Burimi: Daily Mail
