Liqeni është një prej vendeve më të dashura të banorëve të Tiranës, që e ruajnë me fanatizëm për sa kohë që është një ndër të paktat destinacione në kryeqytet, ku mund të qetësohesh nga zhurma dhe ajri i pastër.
Por nëse mendoni se në këtë pjesë të qytetit mungon argëtimi, ne kemi një lajm të mirë për t’ju dhënë. Bashkia e Tiranës së bashku me Kryqin e Kuq kanë nisur punën për rikonstruktimin e molit të liqenit, duke u dhënë mundësi banorëve që të lundrojnë me varkë.
“Nisëm punën për rikualifikimin e Molit te Diga në Parkun e Madh. Me Kryqin e Kuq Shqiptar shërojmë një tjetër kënd, një vepër e mirë dedikuar themeluesit Henry Dunant. Nobelisti i parë, frymëzues i Konventës së Gjenevës. Respekt misionarit pionier, edhe në Tiranë, siç i ka hije çdo kryeqyteti!”, shkruan APR në faqen zyrtare në Facebook.
Projekti parashikon që moli i ri të pajiset me sistem ndriçimi për orët e mbrëmjes, ndërtimin e shkallëve, si dhe shtimin e hapësirave të gjelbra në parkun e liqenit të Tiranës.
