Tiffany Trump është martuar me partnerin e saj Michael Boulos të shtunën në Palm Beach, Florida.
Tiffany është vajza e ish-presidentit Donald Trump dhe aktores Marla Maples, të cilët ishin të martuar nga viti 1993 deri në 1999.
29-vjeçarja dhe Boulos u martuan në rezidencën e familjes Mar-a-Lago.
“Jemi të përqendruar në këtë bashkim të shenjtë dhe në mirëpritjen e miqve dhe familjes së dashur, jo në politikë”, tha Marla Maples për PEOPLE, duke shtuar se familja e zgjodhi Mar-a-Lago sepse “kjo ishte shtëpia e fëmijërisë së Tiffany-t dhe ku ajo erdhi në jetë”.
E gjitha familja e Trump ishte në ceremoninë e martesës së Tiffany, ndërsa një burim tha: “Ky është një rast gëzimi familjar”.
Tiffany zgjodhi fustanin e saj të nusërisë si një shenjë për trashëgiminë e Boulos.
“Është një dasmë libaneze amerikane, kështu që ne ishim shumë të lumtur që Elie Saab të krijonte magjinë”, thotë Maples, e cila gjithashtu kishte veshur një fustan Elie Saab për ditën e martesës së vajzës së saj.
Torta e çiftit ishte e ngjashme me atë të dasmës së Donald dhe Maples, torta Sylvia Weinstock 7 metra e gjatë.
Maples tregoi se Tiffany, e cila ishte e porsalindur kur ata u martuan, donte ta rikrijonte.
Ishte Donald Trump që shoqëroi vajzën e tij në altar dhe kërcyen së bashkë vallëzimin e hapjes së ceremonisë si baba e bijë.
Për mbrëmjen e festës, 29-vjeçarja zgjodhi një fustan të thjeshtë të bardhë ndërsa mbante në qafë një gjerdan diamanti. Kurse bashkëshorti i saj një kostum të zi.
Çifti vallëzuan në krahët e njëri-tjetrit, ndërsa Michale i dhuroi një përqafim të ngrohtë Tiffay, me të ftuarit që brohorisnin.
Menjëherë pas vallëzimit, të gjithë të tjerët iu bashkuan të sapomartuarve në pistë, përfshirë Donald Trump që kërcente me bashkëshorten e tij Melania.
Tiffany dhe Boulos filluan lidhjen në vitin 2018 pasi u takuan në klubin e Lindsay Lohan në Mykonos, Greqi.
Çifti u fejua në janar 2021, në fund të mandatit të babait të saj si president dhe e shpallën lajmin në mediat sociale një ditë para se të largohej nga detyra.
Boulos, i cili është djali i një familjeje të pasur libaneze me biznese në Nigeri, i propozoi në Kopshtin e Trëndafilave të Shtëpisë së Bardhë me një unazë diamanti prej 1.2 milionë dollarësh, tha një burim për PEOPLE vitin e kaluar.
“Ka qenë një nder të festoj shumë momente historike, raste historike dhe të krijoj kujtime me familjen time këtu në Shtëpinë e Bardhë, asgjë më e veçantë se fejesa ime me të fejuarin tim të mrekullueshëm Michael! Ndjehem e bekuar dhe e emocionuar për kapitullin tjetër!” shkroi ajo, së bashku me një foto të saj dhe Boulos duke buzëqeshur së bashku në ambientet e Shtëpisë së Bardhë.
Tiffany po mendon të mbajë edhe një ceremoni të dytë në Greqi, thanë burimet, pasi vendosi që festën kryesore ta zhvillonte në Mar-a-Lago, më pak se dy orë në larg rezidencës aktuale të çiftit në Miami.
29-vjeçarja u rrit në Calabasas, Kaliforni, me nënën e saj.
“Kjo ishte zgjedhja ime, rritja e saj jashtë qendrës së vëmendjes”, tha Maples në një intervistë në 2016.
