Historitë tragjike të jetëve që u prenë në mes nga tre kamikazët në aeroportin e Stambollit, kanë nisur që të publikohen.
Sulmuesit që besohet se janë ekstremistë të ISIS, morën jetën e 42 të pafajshmëve, shumica shtetas turq kur shpërthyen bombat në Aeroportin Ataturk.
Mes atyre që vdiqën kishte edhe pesë sauditë, dy irakianë, një tunizian, një nga Uzbeku, një iranian, një ukrainas, një jordanez dhe një kineze.
Shumë prej njerëzve që vdiqën të martën ishin në aeroport për të takuar të dashurit e tyre ose për të bërë punën, përfshirë 38-vjeçarin Göksel Kurnaz, i cili po merrte shefin e tij nga aeroporti.
24-vjeçari Serkan Turk, i diplomuar për edukim fizik, i cili kishte shkuar në aeroport për të takuar nënën e tij. Ai u vra nga shpërthimi i dytë, pasi u përpoq që të ndihmonte të plagosurit e shpërthimit të parë.
Punonjësi i aeroportit, Yusuf Haznedaroğlu do të martohej me të fejuarën e tij pas 10 ditësh.
Gülşen Bahadir sapo kishte nisur një punë në aeroport. Ajo kishte shkruar një javë më parë në “Facebook”: “Jo luftë, insistoj, dashuri”.
Doganieri Umut Sakaroğlu është përshëndetur si një hero për veprimet e tij. Ai po qëndronte roje pasi një terrorist u përpoq të kalonte nëpër grupin e parë të sigurisë. Ai tentoi që të ndalonte terroristin para se të shpërthente bombën.
Göksel Kurnaz ndodhej në aeroport për të pritur shefin e tij.
Serkan Turk ndodhej në aeroport për të marrë nënë e tij, por vdiq pasi shkoi për të ndihmuar pas shpërthimit të parë.
Vajza e Siddik Turgan, i cili vdiq të martën, e përlotur gjatë ceremonisë mortore të babait të saj.
Taksisti Mustafa Bayrakli, 51 vjeç dhe Çöl Kontuar, i cili punonte në aeroport si një oficer zyre.
Nëna e një prej viktimave shpërthen në lot pasi mësoi fatin e fëmijës së saj.
Mahmoud Çizmecioğlu dhe gruaja e tij Zeynep Çizmecioğlu humbën jetën atë natë.
Burimi: Daily Mail
