Presidenti amerikan Donald Trump ka premtuar se do të ndërmarrë masa kundër ndarjes së fëmijëve nga prindërit emigrantë, të cilët janë kapur në kufi.
Trump tregoi se ishte prekur nga fotot e publikuara në media, ku fëmijët mbahen në kafaze larg prindërve, të cilët po ndiqen penalisht për kalimin e paligjshëm në kufi.
Sipas urdhërit të ri ekzekutiv të firmosur nga Trump, emigrantët do të vijojnë të ndalen në kufi, por si familje.Vendimi erdhi pas reagimeve të shumta nga e gjithë bota, që e quajtën atë masë si tepër mizore, si dhe pas një mbledhjeje të mbajtur nga demokratët që njoftuan hartimin e Aktit për Bashkimin e Familjeve.
“Do të bëjme gjithçka për të mbajtur familjen së bashku. Do të firmosim diçka për ta ndaluar këtë. Kjo ka 50 vite që vazhdon”, tha ai për gazetarët në Shtëpinë e Bardhë.
Por duke miratuar këtë ligj, Trump kundërshton veten. Një ditë më parë ai thoshte që i kishte duart e lidhura e që s’mund të bënte gjë, pasi nevojitej bashkëpunimi i demokratëve. Ndërsa tani lëshoi një urdhër ekzekutiv.
Burimi: BBC
