Mbi 300 persona janë evakuuar nga përmbytjet, kryesisht në qarkun e Tiranës. Për shkak të shirave të shumtë, janë përmbytur rrugë, banesa e biznese, ndërsa është shënuar edhe viktima e parë në qytetin e Fierit. Edhe pista e aeroportit të Rinasit u mbush me ujë, çka u pasua me vendimin për të pezulluar ose devijuar të gjitha fluturimet.
Situata pritet të rëndohet edhe më shumë në ditët në vijim, pasi stacionet meteorologjike kanë parashikuar vijimin e stuhisë së shiut, deri ditën e martë. Më poshtë mund të shihni situatën alarmante që ka pushtuar vendin, përmes fotove.
Burimi: Top Channel
