Ditën e djeshme u publikua një foto e aktorit Robert Ndrenika, i ulur në një karrige, teksa kishte kryqëzuar gishtat dhe rrinte mendueshëm duke pritur radhën në QSUT
Një foto që bëri bujë në rrjet dhe u bë lajm për shumë portale, pasi vetë fotoja “fliste” shumë. Por, në fakt, duket se kemi të bëjmë me një keqkuptim, pasi vetë aktori ka folur dhe ka treguar të vërtetën e kësaj fotoje.
Pas shumë reagimeve, komenteve të njerëzve dhe madje ofrimit të një spitali privat për t’u kujdesur për gjendjen shëndetësore të Ndrenikës, ky i fundit ka sqaruar se është mirë dhe ka treguar të vërtetën e fotos.
“Imazhi është shkrepur para më shumë se një viti, unë jam mirë”, kështu ka thënë aktori pas publikimit të kësaj fotoje.
