Deputetja e Kuvendit të Kosovës nga radhët e PDK-së, Flora Brovina, ka kërkuar falje për bërjen publike të një fotoje të tmerrshe ku shfaqej një femër duke u përdhunuar nga 3 ushtarë.
Ajo e quajti foton si një dëshmi se si ushtarët serbë kanë përdhunuar femrat, gjatë periudhës së luftës në Kosovë. Mirëpo, siç rezultoi më vonë, kjo nuk ishte e vërtetë dhe fotografia është marrë nga një faqe pornografike në Irak.
Deputetja Flora Brovina u shpreh se nuk ishte në dijeni që fotoja ishte false.
“Dokumentin e kam nga viti 2003. Saktësinë e dokumentit (foton), do ta vërtetojnë organet e shtetit të Kosovës”, tha ajo për mediat kosovare duke kërkuar edhe ndjesë.
“Më lejoni grave të dhunuara tu kërkoj falje e familjeve të tyre për shqetësimin që ju kam sjellë në këtë foto. Organet e shtetit po merren me këtë foto. Është një dokument ndoshta i falsifikuar që është keqpërdorur shumë kohë më herët, ndoshta në 2003 kur më është dorëzuar si kryetare e komisionit për personat e zhdukur nga një aktivist i këshillit të të drejtave të njeriut. Ai e dokumente se mund ta përdorja dhe personi është gjallë”.
