Moderatorja e njohur, Xhesi Muçaj ditën e sotme u kthye në kryefjalën e mediave.
Fotoja e saj ku shfaqej me djalin e kryeministrit Edi Rama, Gregorin, bëri xhiron e rrjetit dhe u tha se ata mund të ishin edhe në një lidhje.
Foton e shumëpërfolur, Xhesi e publikoi në Instagram-in e saj ditën e Shën Valentinit, prandaj edhe bëri shumë bujë.
Kaq mjaftoi që në media të përflitej për një histori të re dashurie, madje në lajme u përfshi edhe emri i të ndjerës, Kristi Reçi.
Në artikuj të ndryshëm thuhej se Gregori e kishte harruar të fuajuarën e tij që ndërroi jetë ditën e tërmetit dhe tani po feston në krahët e një bjondeje.
Megjithatë, e gjithë kjo duket se u bë për pak zhurmë, pasi Xhesi në foton e saj e ka treguar shumë mirë marrëdhënien që ka me djalin e kryeministrit.
Foton prezantuesja e ka shoqëruar me fjalën “Bestie” (shok i ngushtë dhe jo bishë) dhe publikimi më 14 shkurt mbase ka qenë rastësi.
Gjithashtu, vlen të theksohet se Shën Valentini nuk është një festë që të gjithë e festojnë dhe për një pjesë të mirë të njerëzve 14 shkurti është një ditë si gjithë të tjerat.
Pasi fotoja mori dhenë, Xhesi e fshiu nga Instagram-i i saj pa zhurmë dhe tani mediat kanë pushuar së foluri.
