Ndarjet dhe bashkimet e Bora Zemanit dhe Donald Veshajt kanë përfshirë një publik të tërë.
Historia e tyre mori një vëmendje të madhe që në periudhën e “Big Brother Vip” dhe vazhdon dhe sot të ndiqet me kërshëri.
Së fundmi bënë xhiron e rrjetit disa foto ku dukeshin moderatorja dhe aktori duke darkuar në një restorant në Prishtinë.
Ndonëse me kapele u munduan të fshiheshin, nuk ia dolën duke qarkulluar tashmë me shpejtësi në internet.
Këto imazhe sigurisht nuk i shpëtuan as Beatrix Ramosajt, e cila është pala e tretë në këtë histori. Ajo ka reaguar në mënyrën e saj duke ndarë një video me trendin e famshëm të TikTik “Mask Off Challenge.”
Fraza “mask off” është një referencë për heqjen e një fasade dhe zbulimin e së vërtetës nën të.
Në zërin e përdorur nga Trixa dëgjohet të thuhet:
“Ndiq një çek (parash), kurrë mos ndiq një k*rvë / Maskën e vënë, f**k it, hiqe maskën”.
Këngëtarja e ka shoqëruar videon edhe me gjeste duke treguar gishtin e mesit me një qeshje ironike, si për të treguar se nuk i intereson më.
Më herët Bora Zemani ia doli të jetë përsëri në qendër të vëmendjes me postimin e fundit në Instagram, u pa në makinë duke dëgjuar e kënduar këngë popullore për Vlorën. Siç dihet tashmë ajo dhe Donaldi janë nga Vlora.
Megjithatë, ajo që të tërhoqi më shumë vëmendje ishte fakti se Bora ishte e shoqëruar nga dikush tjetër në makinë. Kjo u vu re pasi personi në fjalë, i cili kudo në rrjet aludohet se ëshë Donaldi, fishkëllen duke tërhequr vëmendjen e moderatores.
Gjatë videos Bora vijon të këndojë dhe nuk e zbulon fytyrën e personit që e shoqëron, duke u komentuar përsëri në rrjet.
Bora dhe Donaldi zgjodhën natën përmbyllëse të “Sunny Hill Festival” në Tiranë për tu shfaqur krah njëri-tjetrit para të gjithëve.
