Një nga presionet më të mëdha të rrjeteve sociale është perfeksioni, sidomos sa u takon formave trupore.
Fotoja perfekte nuk mund të jetë e tillë pa një trup perfekt, qoftë edhe të rregulluar me filtra dhe fotoshop në shumicën e rasteve.
Me ardhjen e verës kjo bëhet edhe më e theksuar, teksa Instagram mbushet me foto perfekte, vajza me format ideale, duke krijuar një botë vetëm me ‘modele’, ku secila ka çfarë të jap.
Mirëpo, gjithë ky presion dhe kornizim që bëhet virtualisht, ka lënë mënjanë vlerat e vërteta, pa të cilat s’do bënim dot në jetë reale, siç është për shembull origjinaliteti.
Ky i fundit duket se i pëlqen më shumë njerëzve, ndonëse ajo çka ekspozohet në rrjetet sociale është e kundërta.
Këngëtarja Rozana Radi na e ka vërtetuar këtë më së miri ditën e sotme.
Ajo ka publikuar një foto në plazh duke treguar realitetin e shumë nga fotove ku është dashur editim apo është mbajtur një pozicion trupi për të treguar perfekten.
Po ashtu, Rozana ka shkruar edhe një mesazh mjaft të bukur dhe frymëzues për shumë vajza duke u shprehur se po ka marrë disa kilogramë më shumë, por kjo nuk e bën atë më pak tërheqëse apo më pak inteligjente.
Po ashtu, këngëtarja thotë se nuk duhet të zgjedhim krah vetes burra që na vlerësojnë për pamjen e jashtme, por për atë çka jemi.
Po kam shtuar kg dhe kjo nuk me ben me pak grua terheqese. Nuk do te thote qe te shtosh disa kg nuk je nje grua inteligjente. Nuk do te thote, qe po pate celulit burrat nuk te duan me si me pare. Eshte problemi juaj qe zgjidhni “burra” qe ju duan per shale. Eshte problemi i te gjithave ju me adresa fallco, qe mjafton te kesh vene pak bark dhe turreni me sms per te bullizuar kedo qe ju del perpara ne rrjetet sociale. Eshte thjeshte te mos keshe “fytyre” e te gjykosh fytyren e tjetrit. Une jam tipi i gruas qe me kenaq nje prendim. Une jam tipi i gruas qe qaj me nje film. Nuk me impresionojne muskujt tek nje burre dhe pse i vleresoj ata qe merren me sport. Preferoj te degjoj nga nje burre qe bisedat me mua jane ato qe i pelqejne me shume tek une. Menyra se si qesh, se si surprizohem…. Nje kg me shume ne trup nuk me ben me pak te lexuar .
Kjo foto ka rezultuar mjaft e pëlqyer për ndjekësit e saj që nuk i kanë kursyer komentet pozitive.
Le të shërbejë ky veprim i Rozanës si një model frymëzimi për shumë vajza të tjera, të cilat hera herës, i druhen realitetit dhe të ndikuar nga jo realja përpiqen të prezantojnë gjëra që në realitet s’kanë aq vlerë.
