Ndoshta nuk do ta besonit po t’ju thoshim se është bërë një hulumtim sipas shteteve, për foshnjat që qajnë më shumë.
Kërkimet nga “Universiteti i Warwick” në Angli treguan se të qarat e bebeve të porsalindura ndryshojnë nga një vend në tjetrin. Dhe ata dolën në përfundimin se të sapolindurit me kombësi britanike, kanadeze dhe italiane qajnë më shumë nga të gjithë.
Kështu u llogaritën të qarat e fëmijëve në muajt e parë të jetës. Në Angli në 2 javët e para, rreth 28% e bebeve qajnë më shumë se 3 orë në ditë për 3 ditët e fundit të javës.
Në Kanada, në javën e tretë dhe katërt qajnë rreth 34.1% e bebeve dhe në Itali bebet qajnë rreth 20.9% në javën e tetë dhe nëntë.
Përkundrazi, në Danimarkë u shënuan shifra të ulëta, rreth 5.5% në javën e tretë dhe katërt dhe Gjermani 6.7% në javën e tretë dhe të katërt. Kërkimet gjetën gjithashtu se bebet qajnë rreth 2 orë në ditë në javët e para të jetës.
E qara në përgjithësi mund të zgjasë rreth 2:15 minuta në ditë, në javën e gjashtë dhe më pas pakësohet në një shifër prej 1:10 minuta në javën e 12-të.
