Një fotograf amator u surprizua kur kapi një re të mrekullueshme në formë syri, duke krijuar një pamje spektakolare në qiell.
Graham Telford vuri në dukje zbulimin e pazakontë meteorologjik, që ndodhi të mërkurën në Yorkshire.
46-vjeçari tha se ndihej sikur po e “vëzhgonin”, ndërsa fotografonte qiellin.
Teoricienët e konspiracioneve dhe vëzhguesit e reve thanë se ishte “syri i Zotit” ose dëshmia e mbikëqyrjes së qeverisë.
Retë të tilla formohen kur erërat e forta dhe lagështira godasin terrenin e ashpër.
“Nuk kam parë kurrë një gjë të tillë më parë. Këto re formuan në mënyrë të përsosur syrin, edhe vetullën. Ishte e mahnitshme. Unë personalisht nuk besoj tek dikush lart që na vëzhgon, por kur pashë këtë u ndjeva sikur dikush po na vëzhgonte. Njerëzve që ua kam treguar, komentuan se është provë që “vëllai i madh” na vëzhgon, ndërsa të tjerët kanë thënë se “syri i Perëndisë” është duke shikuar mbi ne”, tha Telford.
Ai shtoi se reja u zhduk po aq shpejt sa edhe u shfaq.
Burimi: Daily Mail
