Forcat ruse tashmë kanë nën kontroll dy centrale bërthamore ukrainase dhe po përparojnë drejt një të treti, sipaa presidentit të Ukrainës gjatë një telefonate me senatorët amerikanë të shtunën.
Volodymyr Zelensky tha se termocentrali i tretë që rrezikon të sulmohet është termocentrali bërthamor Yuzhnoukrainsk, i vendosur 120 kilometra (75 milje) në veri të Mykolaiv, një nga disa qytete që rusët po përpiqeshin ta mbanin të rrethuar të shtunën.
Një nga centralet nën kontrollin e rusëve është centrali bërthamor i Zaporizhzhia në qytetin juglindor të Enerhodar, më i madhi në Evropë.
Tjetri është Çernobili, i cili nuk është aktiv, por ende ka staf dhe mirëmbahet.
Bombardimet e mëparshme ruse ndezën një zjarr në uzinën e Zaporizhzhia, i cili u shua pa lëshuar rrezatim.
Ndërkohë gjatë orëve të vona të së shtunës bombardimet ruse kanë vijuar në disa qytete ukrainase, ndërsa një raund i tretë negociatash është paralajmëruar mes palëve të hënën.
Rikujtojmë se shumë kompani kanë bërë shenjën e tyre të protestës lidhur me luftën, duke i ndaluar shërbime të ndryshme.
Një ndër to ka qenë dhe Apple që ka ndaluar shitjet në Rusi. Kompania tha në një deklaratë se është shumë e shqetësuar për pushtimin rus dhe se si përgjigje, ajo ka ndalur të gjitha shitjet e produkteve në vend. Apple tha gjithashtu se ka lëvizur për të kufizuar aksesin në shërbimet dixhitale, si Apple Pay, brenda Rusisë dhe ka kufizuar disponueshmërinë e aplikacioneve të mediave shtetërore ruse jashtë vendit.
