Kur ka kaluar mbi një muaj që pas aksidentit të avionit ku ndodhej futbollisti Emiliano Sala, mësohet gabimi i bërë nga piloti.
Sipas dokumenteve të bëra publike, pilotit britanik David Ibbotson nuk i lejohej të udhëtonte në mot të keq, por ai e ngriti avionin pavarësisht stuhisë.
Piloti nuk kishte licencë për të bërë udhëtime me persona që paguanin një tarifë të caktuar, pasi ai kishte vetëm një licencë private dhe nuk kishte kualifikime për mot të keq.
Ibbotson e plotësoi gabimisht numrin e licencës së aeroplanit në formular, ndërsa kualifikimet e tij e lejonin atë të fluturonte natën, nëse kushtet atmosferike do të ishin të mira.
Një shok i tij tha për “The Sun”: “Mendoja gjithmonë se ishte një hidraulik i mirë, sesa një pilot. Mendoj se e dimë që bëri një gjë të çmendur për të fituar para, por asnjë punë nuk ishte më e paguar për të sesa ajo në Francë”.
Emiliano Sala dhe piloti udhëtonin në avionin që u zhduk më 21 janar në Kanalin anglez.
Në raport thuhet se futbollisti humbi jetën si pasojë e “plagëve në kokë dhe në gjoks”. Trupi i tij u gjet më 4 shkurt në një pjesë të avionit të shkatërruar dhe u identifikua vetëm falë gjurmëve të gishtërinjve.
Burimi: Daily Mail
