Vetëm pas 90 sekondash, Florian Marku u shpall fitimtar në ndjeshjen kundër kundërshtarit serb , Sladjan Dragisiç në sfidën e “MMA”. Në takimin që u mbajt në pallatin e sportit “Asllan Rusi”, Markut iu deshën vetëm pak minuta për të hedhur në tapet kundërshtarin serb. Menjëhërë pasi u shpall fitimtar, Florian Marku e cilësoi kundërshtarin, se nuk ishte aspak i nivelit të tij.
“Ky nuk është niveli im. Unë premtoj që pas një apo dy ndeshje, do firmos për në UFC, në nivelin më të lartë në këtë sport. Dua të bëj krenarë të gjithë shqiptarët, kur të ngre këtë flamur në UFC. Unë jetoj për këtë sport, dhe dua të ngjitem sa më lart. Me ndihmën e menaxherëve, do shkoj akoma më lart” – është shprehur Florian Marku, raporton “Shqiptarja.com”.
Ishin parashikuar që të zhvilloheshin 3 raunde nga 5 minuta, por Marku e mbylli sfidën kur kronometri shënoi kohën 3 minuta e 22 sekonda që do të thotë se Dragisic arriti të qëndronte në këmbë vetëm 1 minutë e 38 sekonda.
