Flori Mumajesi po i kalon ditët në karantinë si të gjithë ne, i shqetësuar duke parë lajmet në ekranin e televizorit!
Kantautori i njohur ka publikuar një video ku shfaqet duke ndjekur lajmet e Report.tv që raportojnë shkeljen e masave nga disa qytetarë që dalin nga shtëpitë e tyre për të bërë xhiro.
Me anë të atij postimi, Flori bën apel që të qëndrojnë brenda, pasi sipas tij, një xhiro sot mund të na kushtojë më shumë nesër.
“Duke parë lajmet!
Nuk e xhriova dot në kohë por pashë plot njerëz që kishin dalë xhiro!
DURIM NJEREZ DURIM….
Një xhiro për qejf sot do na kushtojë më shumë nesër!
Mos harroni jemi një familje e madhe dhe duhet të kujdesemi të gjithë për njëri tjetrin❤️”, janë fjalët e Florit.
Mesazhi i tij vjen në një kohë që numri i të prekurve me Koronavirus ka arritur në 59 dhe janë shënuar 2 viktima.
