Këngëtarja Kejsi Tola prej disa kohësh i ka munguar tregut muzikor me një projekt të ri. Mirëpo kënga e saj më e re “U rritëm” të cilën e publikoi pa shumë zhurmë dy ditë më parë tërhoqi vëmendjen e të gjithëve.
Kjo këngë e cila është krijuar nga Flori Mumajesi, i cili njihet dhe si autori i tekstit është mirëpritur jashtëzakonisht mirë nga publiku shqiptar. Një këngë ritmike që e sjell Kejsi Tolën me një pamje të re, e cila po pëlqehet nga të gjithë.
Ndërkohë që të shumtë kanë qenë ata fansa dhe kolegë të cilët kanë shprehur hapur mbështejen ndaj Kejsit për këtë këngë të re, edhe Flori Mumajesi e ka shprehur gëzimin e këtij suksesi nëpërmjet një postimi në Instastory.
“U rritëm të dy…A e kujton? Dashurinë tonë?”, shkruan Flori Mumajesi duke etiketuar Kejsi Tolën dhe duke i ftuar ndjeksit e tij që të dëgjojnë këtë këngë të re e cila po shndërrohet në një hit veror.
