Flori Mumajesi ka vendosur përfundimisht që t’i çmendë fansat e tij, veçanërisht ata të cilët duan të dinë se me kë është i lidhur këngëtari.
Pak minuta më parë ai publikoi një video të realizuar nga fansat, ku shfaqej në disa momente vërtet intime me këngëtaren Fifi.
“E kanë qarë”, shkruante kantautori duke etiketuar këngëtaren.
Flori i referohej video-montazhit të bërë nga fansat, me këngën fituese në Kënga Magjike, “Plas”, por fansat po “plasin” vërtet pas kësaj videoje.
Pas fjalëve se është lidhur me këngëtaren Kejsi Tola, shumë prej fansave i kërkojnë të tregojë të vërtetën, ndërsa duan të dinë nëse ka ndonjë gjë më tepër sesa shoqërore me Fifin.
“Ndaje mendjen”, i shkruan një fanse ndërkohë që një tjetër ia pret: “Shkoni shumë ju të dy, sikur të ekzistonte vërtetë një dashuri kaq e pastër”.
“O Flori i çmende njerëzit, a je i lidhur me Fifin, Kejsin, Elvanën apo Bebe-n”, i shkruan një tjetër duke iu referuar mesazheve ngacmuese të Florit ndaj Bebe Rexhës pak ditë më parë (lexo këtu).
