Ai i çuditi të gjithë me vendimin për të jetuar në Prishtinë. Duke qenë se të gjitha punët dhe bizneset i ka në Tiranë, Flori Mumajesi u përfol se u shpërngul në Kosovë për hir të dashurisë.
Ai është në lidhje prej kohësh me moderatoren e “Prive”, Liberta Spahiu dhe duket se çifti janë duke hedhur hapa seriozë në lidhjen e tyre.
Ka qenë miku i tyre i ngushtë, moderatori Alaudin Hamiti që u ka nxjerrë sekretin e marrëdhënies së fshehtë që po përpiqen të mbajnë Flori dhe Liberta, që nga muaji prill ku mediat zbuluan se mes tyre kishte nisur një histori pasionante.
Alaudini, i cili shoqërohet me Libertën dhe Florin, që kur ata nisën lidhjen, ka zbuluar indirekt se lidhja e tyre jo vetëm që vazhdon, por është konsoliduar edhe më shumë, shkruan “Panorama”. Madje për t’i bërë qejfin mikeshës së tij, Alaudini i ka dorëzuar Florit emisionin që ka më shumë për zemër dhe që e moderon prej vitesh, programin e Vitit të Ri.
“Kam kënaqësinë dhe nderin që këtë vit prezantimin e ‘NIN Festiv’ t’ia dorëzoj mikut tim Flor Mumajesi”, ka deklaruar moderatori për ndjekësit e tij pak ditë më parë.
