Këngën e tij më të re “Karma” mund ta marrim si nënkuptim në dy drejtime të ndryshme: sfidë ndaj “Despacito” dhe këngëtares Elvana Gjata, e cila gjithashtu bëri një këngë në gjuhë të huaj.
Flori Mumajesi, Bruno, Klajdi dhe Dj Vicky publikuan dje këngën “Karma” dhe ndryshe nga çfarë mund të kishit menduar nuk kishte as baladë dhe as këndohej në shqip.
Katër djemtë e talentuar kishin vendosur të bënin një këngë ritmike në gjuhën spanjolle për t’u përshtatur verës: femra seksi, pije dhe pishinë, të gjitha në harmoni me njëra tjetrën.
Por ajo që shumë prej nesh mund të ketë menduar është fakti se kënga në gjuhën e huaj, e cila ka si qëllim të hyjë në tregun ndërkombëtar, vjen si një sfidë ndaj këngëtares Elvana Gjata, pasi marrëdhëniet mes dyshes janë prishur njëherë e mirë.
Rreth dy muaj më parë Elvana publikoi këngën e saj të parë në anglisht “Forever is over” me dëshirën për të nisur karrierën në muzikë jashtë kufijve.
Ndërkohë që këngët spanjolle janë më të dashurat të tregut muzikore në të gjithë botën, për Florin, Brunon, Klajdi dhe Dj Vicky-n ka mjaftuar kjo arsye. Pse jo mund të jenë tashmë në garë me hitin e vitit, “Despacito”-n.
Fansat me siguri e kanë një kritikë: gjuhën, duhet ta praktikojnë më shumë për theksin.
Burimi: Iconstyle.al
