Pas 8 vitesh moderatore në emisionin “Prive”, Liberta Spahiu do të largohet duke ia lënë vendin një tjetër personazhi të njohur.
Bëhet fjalë për natën e ndërrimit të viteve, që do të prezantohet nga parukieri i njohur Kaçi Lleshi, i cili deri më tani i ka kaluar shumë mirë provat e para të moderimit.
Ky zëvendësim i moderatorëve vjen pas ndryshimit të formatit të televizionit Klan Kosova, moderatorët e të cilit do të ndërrohen me personazhe të famshme të ekranit për ditët e festave.
Pak kohë më parë u mësua se edhe këngëtari Flori Mumajesi, i cili është përfolur për lidhjen e tij me Libertën, do të drejtojë emisionin “NIN Festiv” që drejtohej nga Alaudin Hamiti.
Mediat shkruanin se Alaudini për t’i bërë qejfin mikeshës së tij Libertës, i ka dorëzuar Florit emisionin që ka më shumë për zemër dhe që e moderon prej vitesh.
