Prej një viti, moderatorja Orinda Huta dhe producenti Turjan Hyska kurorëzuan dashurinë e tyre në një martesë përrallore. Ndërsa këtë vit, çifti vendosi që të zhvendosej në një tjetër televizion, nga “Vizion Plus” në “TV Klan”.
Një nga temat për të cilën është shkruar më shumë për dyshen ishte ajo lidhur me shtatzëninë e Orindës. Moderatorja nuk vendosi të reagonte në mënyrë të drejtpërdrejtë, por shpejt fiziku i saj i pandryshuar i hodhi poshtë zërat e pritjes së ëmbël.
“Story.al” publikon foto të Orindës dhe Turjanit të realizuara gjatë verës, në plazhet e Jugut. Fotografitë pa filtra dhe të paedituara, tregojnë sa në formë është çifti.
Orinda mban veshur rroba banje ngjyrë të bardhë me detajet e kuqe, flokët janë të çrregullt dhe nuk ka pikë makijazhi në fytyrë.
Kujtojmë se dyshja shprehën dëshirën gjatë dasmës që të kenë 8 fëmijë.
