Ajo s’ka patur kurrë ‘frikë’ të shprehë mendimin e saj të lirë e pikërisht për mendimin e saj vlerësohet. Ndaj, mban rolin e opinionistes në “Big Brother Fan Club”, së bashku me Ronaldo Sharkën.
Ndaj, eskperienca e saj në këtë fushë e bën Inën të kuptojë fare qartë se ndryshe nga vitet e tjera, këtë vit opinionet nga ‘fanpage-et’ e personazheve të “BBV” vijnë të artikuluara.
Ina akuzon se pas këtyre faqeve të fansave në fakt fshihen familjarët e konkurrentëve, vëllezër e motra, që kanë frikë ta shprehin mendimin me fytyrën e tyre. Ajo tregon se është “rrahur” me fanpage-et dhe ka vënë re që mosha më e madhe që një person që menaxhon një faqe të tillë, në të shumtën e rasteve shkon deri në 14 vjeç, pasi deri në atë moshë ndodh të jesh fans i dikujt.
Më i madhi që ajo ka takuar nga menaxhuesit e fanpage-ve të saj ka qenë 12 vjeç. Ndaj Inës nuk i bën sens logjika e komentit dhe artikulimi pas këtyre faqeve, për banorët e këtij edicioni.
“Unë kam pasur shumë fanpage dhe kam akoma! Në një moment edhe kam takuar dhjetra goca dhe më e madhja ka qenë 12 vjeç! Deri në moshën 14 vetë kam qenë fanse e disa personazheve publik. Fanpage të artikuluar kam parë vetëm këtë Big Brother që vëllezërit dhe motrat krijojnë. Mos na hapni shumë barkun ju lutem!
Flisni me fytyrat tuaja të bukura ju lutem! Dhe nuk trembem kollaj se kam bërë opinionisten 2 vjet në gjeopolitikë, politikë dhe aktualitet duke folur për emrat më të fuqishëm në vend mendimin tim! Shporruni prej këtu!”- shkruan Ina.
