Një gjumë i rehatshëm mund t’ju ndihmojë shumë në angazhimet që keni gjatë ditës. Studiuesit amerikanë të “Covenant Health System”, janë marrë me analizimin e mënyrës dhe pozicioneve të gjumit.
Sipas këtyre studiuesve, fjetja me fytyrë nga tavani ndihmon për t’i parandaluar dhimbjet e shpatullave dhe të qafës, redukton refluksin dhe acidin e stomakut, por madje edhe shfaqjen e rrudhave.
Një tjetër pozition i mirë për të fjetur është konstatuar se është ai në krah. Madje, ky është një pozicion që rekomandohet për gratë shtatzëna, ngaqë lehtëson qarkullimin e gjakut drejt fetusit dhe i zvogëlon shanset për të gërhitur.
Kurse, pozicioni më i keq për të fjetur, bazuar në studime, është ai përmbys, sepse i bën presion stomakut, stimulon refluksin dhe gastritin dhe shton mundësinë për të gërhitur. Ndër të tjera, ky pozicion dëmton edhe pozicionin e shtyllës kurrizore të qafës, e cila nuk e ka mundësinë të qëndrojë në një pozicion të lirshëm.
