Para se Bebe Rexha të shfaqej në tapetin e kuq të “American Music Awards” 2017 në Los Angeles, ajo i dha stilistes Maeve Reilly të drejtën e plotë për ta veshur si të dëshironte.
“Në të vërtetë, për herë të parë më lejoi të bëja atë që doja. Është gjithnjë bashkëpunuese, sigurisht. Askush nuk do të veshë ndonjë gjë që nuk dëshiron ta veshë”, tha Reilly.
Stilistja bëri të qartë për herë të parë mendimin e saj mbi veshjen e këngëtares me origjinë shqiptare.
“Për herë të parë nuk ishte nevoja që të provonim qindra fustane. Ne provuam vetëm dy fustane dhe na pëlqyen të dy dhe zgjodhëm atë që patë”.
Fustani i zi i zbukuruar me kristale, tregonte asetet e Rexhës në mënyrën perfekte dhe është nga koleksioni i fundit i “August Getty”.
“Është i thjeshtë, por sërish është i mahnitshëm dhe emocionues. Unë me të vërtetë dëshiroja të shfaqte format e saj të pabesueshme dhe fytyrën e saj të bukur. E pashë këtë fustan dhe dëshiroja që të tregoheshin format e saj dhe ta dërgoja në një tjetër drejtim. Besoj se të gjithë kemi pritshmëritë tona për AMA-n dhe doja që të ishte diçka më e thjeshtë, në fokus të ishte vetëm ajo dhe trupi i saj.
Lidhur me veshjen e dytë, fustanin e bardhë që Bebe Rexha veshi gjatë performancës me grupin e muzikës “country”, Florida Georgia Line, stilistja u shpreh:
“Ishte sërish për format, por ne kemi përqafuar paksa ndjesinë e “country”-t, që ka muzika. Natyrisht muzika dikton veshjet. Ajo ndihej vetvetja, shumë mahnitëse, pak me stilin “country”.
