Një nga mikeshat më të ngushta të Johnny Depp tha se Amber Heard është “një person sociopat që dëshiron të jetë gjithmonë në qendër të vëmendjes ” e vendosur të shkatërrojë Depp.
Gina Deuters – e cila është gruaja e partnerit dhe asistentit të biznesit të Depp, Stephen Deuters – ka folur në gjyqin e martesës së stuhishme 15-mujore të aktorit me Heard. Gina pretendon se Depp është viktima e vërtetë mes betejës së tyre ligjore.
Në intervistën e saj të vetme si dëshmitare, Deuters tha se ajo beson se Heard është një “drama queen” e vërtetë.
“Ka një situatë që u zhvillua me Amber gjatë dasmës. Ajo u përkul nga unë dhe më tha: ‘A grindeni ndonjëherë ti dhe Stephen?’ Unë u përgjigja, ‘Ndonjëherë kemi dhe grindje’ dhe ajo tha: ‘Jo, Gina, zënka të vërteta?’ Dhe ishte disi shqetësuese”, kujton Deuters, i cili e njeh Depp për gati 20 vjet.
“Mendoj se ka një pjesë të Amber-it që beson se lufta është pasion. Do të thotë se nëse ka zënka ka shkëndija, fishekzjarre në një marrëdhënie. Amber është dikush që është mësuar gjithmonë të marrë atë që dëshiron. Ajo ka shumë të drejta ligjore dhe mendoj se ka bërë kërkesa të mëdha në divorcin e tyre,” tha Gina.
Duke i bërë jehonë pretendimeve të Depp-it në gjyq, Deuters pohoi: “Kur Amber iu mohuan ato kërkesa, them se ajo mendoi, “Unë nuk do të arrij atë që dua, kështu që do të të shkatërroj ty”.
Deuters na tha se burri i saj fillimisht e quajti Heardin “një person sociopat që dëshiron të jetë gjithmonë në qendër të vëmendjes” pasi ai padashur u bë ndërmjetës në martesën e Depp dhe Heard në ditët e saj të fundit e më të vështira.
“Burri im e quajti atë një persion sociopat dhe sigurisht që nuk i vjen aspak keq për këtë”, shpjegoi ajo.
“Stephen, në fund, ishte ndërmjetësi … askush tjetër nuk donte të merrej me Amberin dhe Stephen ishte i vetmi person me të cilin mund të fliste.”
