Irina Vetere, italiania e cila vrau dy të rinj shqiptarë në aksident në fund të muajit të shkuar, reagoi përmes avokatit të saj, në një prononcim për median italiane.
Ajo shprehu pendesë të thellë për aksidentin që u mori jetën dy të rinjve në të 20-at, teksa ajo ngiste e pirë.
“Jam shumë pranë familjes së këtyre dy të rinjve. Nuk më intereson se çfarë ndodh me mua. Ajo që do të ndodhë me mua do të jetë e drejtë.”, ishte deklarata e saj.
Ngjarja e rëndë ndodhi në 30 qershor, kur 30- vjeçarja sapo kishte dalë nga një diskotekë në Piacenza. Makina e saj doli nga rruga pasi përplasi për vdekje Ergi S., 20 vjeç dhe Xhulio K., 21.
