Gjyqi i ashpër midis aktorit Johnny Deep dhe Amber Heard vazhdon të jetë një nga temat më të nxehta në Hollywood.
Të shumtë kanë qenë personazhet e njohur që kanë qëndruar në krah të aktorit, ose të tjerë që kanë mbështetur Amber.
Ylli i Dirty Dancing Jennifer Grey ka ndarë pikëpamjen e saj për gjyqin Johnny Depp-Amber Heard.
Padia për shpifje vjen pasi Depp e paditi Heardin për 50 milionë dollarë për arsyen se kishte abuzuar me të në një shkrim të Washington Post të vitit 2018
Edhe pse ajo nuk e përmendi emrin e tij, aktori i “Pirates of the Caribbean” pretendon se pretendimet e Heard ndikuan në aftësinë e tij për të punuar.
E fundit që ka komentuar mbi situatën e ashpër ligjore midis ish-çiftit të aktorëve është edhe ish e dashura e Depp, Jennifer Grey. Gjatë një interviste për “People” muajin e kaluar gjatë promovimit të “Out of the Corner”, ajo u ndal edhe tek marrëdhënia e saj dikur me Johnny Depp.
“Kishte nxehtësi, ishte një zjarr i vërtetë. S’mund ta besoja. Nuk kisha parë një djalë si ai. Dhe me plotë gojë, kur ishe me të mendoje që ja vlen barra qiranë për gjithçka bënim,”- kështu e ka përshkruar Grey romancën e saj me Depp.
Së fundmi Jennifer ishte e ftuar në një intervistë për “Extra”. Gjatë këtij bisedimi ajo është pyetur për situatën në të cilën ndodhet ish-partneri i saj. Aktorja nuk hezitoi të shprehte dhe mendimin e saj rreth kësaj çështje. Ajo tregoi me fjalë të tjera se kjo situatë është shumë e pakëndshme për të dhe se i shkaktonte një trishtim të madh.
“Unë nuk e njoh atë për 30 vjet. Unë nuk kam folur më me të. Unë nuk e kam parë atë… E gjithë kjo gjë më bën jashtëzakonisht të trishtuar për të gjithë personat që janë të përfshirë. Ato janë njerëz të lënduar dhe që vazhdojnë të lëndojnë njëri-tjetrin. Është e trishtueshme. Unë nuk kam një mendim, përveçse të them që kjo situatë më thyen zemrën… Unë e kam njohur atë në një kohë shumë të ndryshme”-përfundoi Jennifer Grey.
