18-vjeçari që u arrestua dje pasi dyshohet se i ka hedhur kapsollën efektives Ina Nuka, ka mohuar kategorikisht akuzat.
Daniel Dobra ka thënë në dëshminë e tij para oficerëve të policisë se kishte 3 kapsolla të cilat i kishte hedhur në drejtim të xhamisë që po ndërtohet, dhe jo në drejtim të efektives Nuka.
“Theksoj se kam pasur vetëm tre kapsolla të cilat i kam ndezur dhe i kam hedhur në drejtim të llamarinave që rrethojnë namazgjanë që po ndërtohet. Ka pasur një moment që disa punonjës të policisë kanë dashur të më ndalonin në protestën e mësipërme dhe unë nuk kam pranuar të më fusnin në makinë duke e konsideruar veprimin e tyre të padrejtë. Ndërkohë mes nesh kanë ndërhyrë disa persona të tjerë dhe vetëm e kam gjendur veten në turmë dhe kam ikur me vrap.
Ai madje shprehet se në momentin e arresdtimit, efektivët kanë ushtruar dhunë ndaj tij “në të gjithë format”.
Rreth orës 19:30 të datës 23.11.2018 ka ardhur babai im, shtetasi Viktor Drobaj dhe pasi ka biseduar me avokatin jemi nisur për t’u dorëzuar në Komisariatin e Policisë nr.3, sa jam larguar nga banesa që unë kisha qëndruar, kanë ardhur forcat e policisë më kanë vënë pistoletën në kokë duke m’u prezantuar si punonjës policie pasi më kanë futur në makinë kanë ushtruar dhunë ndaj meje në të gjitha format dhe duke më sharë gjatë gjithë rrugës deri kur kemi përfunduar në Drejtorinë e Policisë Tiranë. Në ambientet e Drejtorisë Tiranë sjelljet kanë qenë korrekte dhe nuk është ushtruar asnjë dhunë”.
Dobra këmbënguli gjithashtu se nuk ka pasur dhe nuk ka përdorur sende të kundraligjshme gjatë protestës.
/BalkanWeb
