Ndërsa të gjithë flisnin ditën e djeshme për ndarjen e Brangelina, shumë persona të tyre të afërt fituan vëmendjen për të treguar diçka më shumë lidhur me çiftin. Babai i Angelina Jolie, Jon Voight, shrehu pikëllimin dhe shqetësimin e tij, pasi aktorja kërkoi divorcin vetëm dy vite pas martesës me Brad Pitt.
Ai shprehu dyshimet e tij mbi arsyet e ndarjes duke thënë se, divorci nuk ka të bëjë me prindërimin e gabuar të Pitt, por është një arsye tjetër më e thellë dhe personale të cilin publiku nuk do ta marrë vesh kurrë.
“Është shumë e trishtuar”, tha 77-vjeçari një intervistë të shkurtër për “Inside Edition”, në një intervistë të martën. “Diçka shumë serioze duhet të ketë ndodhur për Angie, që të marrin një vendim të tillë. Unë nuk e di se çfarë ka ndodhur”, tha Jon, duke shtuar “Lutuni”.
“Jam i shqetësuar për Angie dhe fëmijët dhe shpresoj që t’i shikoj ato sa më shpejt”, tha ai.
Jon dhe Angelina u pajtuan në vitin 2010 pas një përçarje mbi një dekadë, por 77-vjeçari nuk ishte i ftuar në martesën e vitit 2014 të ish-çiftit. Angelina dhe i ati i saj kanë dy vite pa u takuar.
Burimi: Daily Mail
