Një nga telenovelat turke më të ndjekura në vendin tonë është “Ertugrul” dhe fatkeqësisht për të gjithë fansat e kësaj telenovele ka ndodhur një ngjarje aspak e këndshme në sheshxhirimin e saj. 
Gjatë fundjavës së kaluar nga mediat turke është raportuar se në ish-fabrikën e këpucëve Beykoz në Stamboll kanë shpërthyer flakët.
Ky vend ishte sheshxhirimi aktual për seritë e “Ertugrul”.
Sipas raportimeve në vendngjarje janë dërguar menjëherë 17 zjarrëfikëse dhe mbi 50 zjarrfikës dhe për fat të mirë nuk është shënuar asnjë viktimë, por mjetet e përdorura për xhirime janë shkrumbuar.
