Ditën e sotme Ledri Vula ishte i ftuar në “E diell”, ku na tregoi shumë të pathëna nga dhurata e veçantë e Sarës te konfirmimi i lajmit se do bëhet baba dhe planet për martesë. (Lexo këtu)
Mirëpo, ajo që mori shumë vëmendje është edhe një puthje që ai i dhuroi Fjoralba Ponarit. Kjo e fundit i kërkoi të bënte një gjest romantik dhe reperi mendoi t’i dhuronte një puthje si gjëja më romantike që mund të bënte për momentin.
Padyshim videoja u bë virale dhe pati edhe nga ata që nuk e kuptuan situatën komike.
Në një nga intervistat e famshme të Instagramit që figurat publike realizojnë shpesh me fansat, Fjoralba u pyet nga një ndjekës: “Puthte mirë Ledri ee?”.
Kjo pyetje nuk i ka pëlqyer aspak moderatores, e cila ia ka kthyer: “Po të kthej të njëjtën përgjigje që i ktheva një mesazhi në DM: Jeta do ishte më e lehtë për të gjithë ne, sikur të bënit edhe ju diferencën midis showt dhe jetës reale.”
Pra, për të gjithë ata që nuk e kanë kuptuar, në televizion çdo gjë është për spektakël dhe gjërat nuk kanë pse dramatizohen.
Ledri ka pranë vetes një partnere shumë të bukur me emrin Sara dhe së shpejti do bëhet baba i një vajze. Kurse për Fjoralbën nuk dimë shumë rreth jetës personale.
