Fjolla Morina ka dalë sot përpara gjykatës në Kukës për t’u njohur me masën e sigurisë, por seanca është shtyrë për në orën 13:00. Prokuroria kërkoi caktimin e masës së sigurisë “arrest me burg” dhe garanci pasurore prej 5 milionë lekësh, por këngëtarja ka kërkuar “arrest shtëpie” me pretendimin se është 2-muajshe shtatzënë. Për këtë arsye prokuroria ka kërkuar që të paraqitej në seancë një mjek gjinekolog, sepse një eko nuk mjafton për të vërtetuar shtatzëninë.
Në lidhje me ngjarjen dhe ndryshimin e masës së sigurisë ka folur edhe avokatja e Fjollës, Aurora Guska. Ajo është shprehur se armët që i janë gjendur këngëtares nuk janë armë zjarri. Sipas saj njëra prej tyre është pistoletë për të trembur qentë e kafshët e egra, ndërsa tjetra ishte çakmak.
“Kjo pistoletë nuk është armë zjarri, por pistoletë që përdoret për të trembur qentë apo kafshët e egra dhe për të dhënë sinjal në rast rreziku pasi bën zhurmë dhe qëllimi i përdorimit është në sport dhe ndryshe është pistoletë zhurmuese, ndërsa tjetra është çakmak”, është shprehur avokatja.
Avokatja ka treguar se prokuroria ka kërkuar kontratë qiraje banimi për t’u vendosur masa e sigurisë arrest shtëpie pse garancinë pasurore prej 5 milionë lekësh.
“Fillimisht kërkesa e parë e prokurorisë ishte për arrest në burg, me faktet pasi Fjolla është shtatzënë dhe është e pamundur që ajo të lihet në burg sipas nenit 230 pika 2. Na u la një kohë për të siguruar një kontratë qiraje banimi që ajo të vendoset me masën e sigurisë arrest shtëpie ose në këtë kundërtën kërkoi dhe garanci pasurore. Gjatë kësaj kohe na u la koha e lirë për të konkluduar nëse do paraqesim garancinë pasurore ose kontratën e qirasë”, ka thënë avokatja Guska.
Fjolla Morina u kap në 19 shtator në pikën kufitare në Morinë më 2 pistoleta në çantën e dorës dhe 23 fishekë. Këngëtarja u shoqërua menjëherë në komisriat dhe mbi të rëndon akuza për “Trafik të armëve dhe municioneve”. Gjatë atij momenti Fjolla shoqërohej në makinë nga dy djem 29-vjeç secili, Fisnik Syla dhe Fitim Muji, të cilët kanë treguar se nuk ishin në dijeni për armët që posedonte Fjolla. Ndërkohë kjo e fundit ka treguar se armën e zjarrit ja ka bërë dhuratë një mik i saj, i cili nuk jeton më.
