Jo të gjithë e dinë historinë tragjike që këngëtari shkodran Sidrit Bejleri ka kaluar me humbjen e vajzës së tij, gati 10 vite më parë.
Ai e ka kujtuar vogëlushen Sofi në profilin e tij në Instagram, ku shpreh dhimbjen e madhe për largimin e saj nga jeta kur ishte vetëm 19 muajshe. Këngëtari e quan një sprovë largimin e të afërmve nga jeta para kohe:
“Dikush mund të thotë, po ky pse na tregon dhimbjen e tij? Nuk e postova për këtë, por desha të krenohem me dhuratën që na e dha Zoti për 19 muaj dhe njëkohësisht t’ju tërheq vëmendjen se kushdo dhe kurdo mund të sprovohet, me të afërmit e tij… Se nuk ikën domosdoshmërish, plaku para të riut, i sëmuri para të shëndetshmit dhe prindi para fëmijës…”, shprehet Sidriti.
Në fund ai e mbyll statusin me një mesazh që të gjithë duhet ta kenë parasysh në këtë jetë: “Askush nuk është i përjetshëm në këtë jetë. Të Zotit jemi dhe tek Ai kthehemi. Qofsh lule e Xhenetit Sofia jeme”!
