Pas tre javësh, Bob Dylan theu heshtjen lidhur fitoren e çmimit “Nobel” të Letërsisë. Që nga momenti kur Akademia Suedeze bëri publik lajmin se këngëtari dhe tekstshkruesi 75-vjeçar ishte përzgjedhur si fitues për vitin 2016, ai nuk ka dhënë asnjë deklaratë madje nuk e ka përmendur atë as në uebsajtin e tij zyrtar.
Ai tha se mbeti “pa fjalë” pasi mori vesh lajmin. “Është shumë e vështirë për t’u besuar”, ka thënë ai për “The Telegraph”. Ai është shprehur se është ndjerë tepër i kënaqur dhe dukej e pabesueshme kur e dëgjoi për herë të parë. “Kush nuk ëndërron për diçka të tillë”, shton ai.
I pyetur nëse ai e ka merituar këtë çmim, artisti është përgjigjur: “Do e lë që njerëzit ta vendosin. Akademikët, ata duhet ta dinë. Nuk jam vërtetë kaq i kualifikuar. Nuk kam mendim tjetër”.
Sërish është ende e paqartë nëse ai do të ndjekë ceremoninë për marrjen e çmimit.
Burimi: Independent
