Emisionit të “Big Brother VIP Albania” i erdhi fundi dhe fituesi i parë i këtij edicioni ishte balerini Ilir Shaqiri, kurse në vend të dytë aktori Donald Veshaj.
Mesa duket, fitorja e Ilirit nuk bëri bujë vetëm në Shqipëri, por edhe në mediet italiane ku është komentuar gjithashtu shumë.
Në Itali emri i tij tërhoqi vëmendje pasi jo vetëm sepse balerini ka një karrierë të gjatë në atë vend, por dhe prej ish-aktores, Emanuela Morini, bashkëshortes së Ilirit.
Askanews, një portal online në Itali, shkroi se momenti kur Iliri u shpall fitues, u shoqërua me të bërtitura lumturie dhe emocione nga gruaja dhe vajza e tij Emily.
Kjo e fundit i dedikoi një këngë të atit që u transmetua gjatë kohës që Iliri ishtebrenda shtëpisë më të famshme në Shqipëri.
Rikujtojmë se në natën finale Emanuela erdhi për të surprizuar Ilirin, i cili pak më vonë doli fitues nga shtëpia më e famshme në Shqipëri, në një ‘luftë’ kokë më kokë me Donald Veshaj.
Balerini ishte i pari që u fut në shtëpi dhe qëndroi aty për 4 muaj duke dhuruar spektakël, debate dhe argëtim. Ai ishte i fundit që la shtëpinë më të famshme në Shqipëri pas aventurës 136 ditore.
Iliri u prit plot entuziazëm në studio nga publiku dhe nga ish-banorët e “BBV”.
