Misioni i sportit është të bashkojë njerëzit nëpër botë, e së fundmi duket se po bashkon një komb!
Basketbolli po hedh hapin e parë të bashkimit mes Kosovës dhe Shqipërisë dhe siç ju paralajmëruam sot u nënshkrua marrëveshja për krijimin e Ligës Unike!
E ashtuquajtura “Liga Unike” është një kampionat ku do të marrin pjesë 4 skuadrat më të mira të basketbollit në Kosovë dhe 4 më të mirat e këtij sporti në Shqipëri, për të garuar me njëra-tjetrën.
Synimi i kësaj lige, që do të startojë brenda vjeshtës, është që të zgjojë interesin e këtij sporti, duke qenë se është një format mjaft interesant, që parashikon ndeshje si në Kosovë ashtu edhe në Shqipëri, por mbi të gjitha edhe një rivalitet më të madh.
Marrëveshja u firmos nga presidenti i Federatës Shqiptare të Basketbollit Avni Ponari dhe ai i Federatës Kosovare të Basketbollit, Arben Fetahu.
Në prani të tyre ishte edhe Ministrja e Arsimit, Rinisë dhe Sportit në Shqipëri, Besa Shahini e Ministrja e Kulturës, Rinisë dhe Sportit në Kosovë, Vlora Dumoshi, ndërsa në ceremoni mori pjesë edhe kryeministri Edi Rama, i cili zbuloi edhe logon e Ligës Unike.
Gjatë fjalës së tij, Rama u shpreh:
Krijimi i Ligës Unike përbën një moment shkuarje në një moment tjetër dhe kam besim që do të bëhet shtysë për të tjerët. Në fushën e sportit nuk jemi të mëdhenj edhe nëse jemi bashkë, jo më… Ka pasur herë jo pak sportisë dhe trajnerë që kanë shkuar në Kosovë dhe kanë qënë pjesë e aktivitetit në fushën e basketbollit. Ajo që është e rëndësishme është që ngre nivelin e konkurencës dhe krijon më shumë hapësirë për të pasur më shumë cilësi në ndeshjet në paketë. Ndërkohë jam i bindur që kjo është një eksperiencë që do ta bëjë shumë të shpejtë dhe do ta nxisë mekanizimin jo fort të lehtë për t’u vënë në lëvizje. Ideja aspak e re e organizimit të kampionatëve të përbashkëta duhet me patjetër që të marrë rrugë dhe mesiguri do stimulohet nga kjo që po ndodh sot këtu. E mira nuk ka fund dhe e keqja harrohet shpejt. Ne sot, jemi më mirë seç kemi qënë ndonjëherë tjetër, nga aspekti i pozicionit dhe të drejtave.
