Fiori Dardha ishte e ftuar në emisionin “Thumb” ku ndër të tjera rrëfeu edhe shumë detaje nga jeta personale.
Moderatorja ka treguar se ajo dhe bashkëshorti i saj duhen shumë, por edhe zihen shumë. Sipas Fiorit është ajo që e tepron ndonjëherë, por pas kaq vitesh bashkë e kanë gjetur gjuhën e përbashkët.
Moderatorja na ka befasuar duke treguar se një herë i ka dërguar bashkëshortit 118 mesazhe njëherësh. Një situatë acaruese kjo, por që bashkëshorti i saj ka ditur se si të reagojë.
“Për aq kohë sa është ‘bashkësherri’, siç e quaj unë, jemi një çift i adhurueshëm. Më ka ndodhur një herë i kam dërguar 118 mesazhe. Dhe pas mesazhit të 118 më ka ardhur vetëm një togfjalësh si përgjigje: ‘Po vij’. Dhe ai më do ende. Dhe u martua me mua”, rrëfeu Flori me shaka.
