Rreth më shumë se një muaj pas tragjedisë së Astroworld, është zbuluar zyrtarisht shkaku i vdekjeve të pjesëmarrësve.
Pjesëmarrësit e festivalit – të gjithë nën 30 vjeç – ndërruan jetë kur mijëra njerëz u mblodhën së bashku gjatë një shfaqjeje të Travis Scott.
Autopsia e tyre u krye në ditët pas koncertit të 5 nëntorit dhe u finalizua këtë javë, me asfiksinë që u përcaktua si shkaku i vdekjes.
Megjithatë, të dhënat e ekspertit mjekësor tregojnë se një nga viktimat kishte gjurmë kokaine, metamfetamine dhe alkooli që kontribuan në vdekjen e tij.
Pasojat nga shfaqja vdekjeprurëse kanë shkaktuar një vërshim të proceseve gjyqësore civile nga qindra të pranishmit, duke vënë në shënjestër organizatorët e koncertit dhe vetë Scott për dështimin për t’i mbajtur njerëzit të sigurt.
Travis Scott ka thyer heshtjen për tragjedinë në një bisedë 50-minutëshe me “Charlamagne Tha God”
Në intervistën e tij të parë që nga festivali i Houston më 5 nëntor që u vranë 10 persona, reperi pohoi se nuk e dinte se dikush vdiq deri pas performancës së tij.
“Unë pata një përzierje emocionesh”,- tha Scott. “Është shumë e vështirë sepse unë jam shumë i lidhur me fansat. Kanë qenë thjesht shumë mendime, shumë ndjenja, shumë pikëllim dhe thjesht po mundohem të kthjellohem pas të gjithë kësaj situate.”
