Pak orë më parë u publikua teaser-i i parë i filmit të ri të Brad Pitt, me titull “F1”, i cili do të dalë në kinema në qershor të 2025. Kjo video e shkurtër nuk la të patrazuar as fansat e Formula 1 dhe as fansat e aktorit.
Ajo ku shumica e njerëzve u fokusuan ishte fotografia në të cilën aktori 61-vjeçar shfaqet gjysmë i zhveshur. Në këtë skenë Pitt është i shtrirë në një divan, i veshur nga beli e poshtë. Përveç trupit të tonifikuar mirë, fansat duket se i duan edhe tatuazhet e tij, të cilat janë jo pak.
Dhe e vërteta është, pavarësisht se aktori ka lënë histori si një nga meshkujt më simpatikë dhe më seksi në botë, ai nuk shfaqet shpesh pa rroba. Kjo ishte ndoshta arsyeja pse fansat e tij ishin kaq të shqetësuar për tatuazhet e tij, veçanërisht për atë që përfshinte ish-bashkëshorten e tij, Angelina Jolie. Po, po, nga një foto e cila po bën xhiron e internetit, fansat e tij vunë re datën e ditëlindjes së aktores (4 qershor), e vendosur në pjesën e poshtme të barkut dhe e cila, sipas Daily Mail, është e shkruar në gjuhën zyrtare të Kamboxhias, ku ka lindur fëmija i tyre i madh, Maddox.
View this post on Instagram
Këto nuk janë tatuazhet e vetme që Pitt ka për familjen e tij. Ai ka një tjetër, që nuk shfaqet në trailer. Ai ka një kryq të gjatë që shtrihet nga kyçi i tij i djathtë deri te parakrahu. Në njërën anë të kryqit është shkronja A, për Angelina, ndërsa në anën tjetër ka inicialet e gjashtë fëmijëve të tyre: Maddox, Pax, Zahara, Shiloh, Knox dhe Vivienne. Edhe Angelina Jolie gjithashtu ka tatuazhe kushtuar atij dhe fëmijëve të tyre.
