Duket si një dasmë normale me të ftuar, muzikë, ushqim dhe atmosferë, por ajo që po i çudit të gjithë në dasmën e çiftit Fitim dhe Zelfije Shalës, nga rajoni i Malishevës, është mosha e tyre e mitur.
Për këtë mund të themi se filmi me Gjinon dhe Marigonë, është bërë realitet. Vetëm se nusja është e mitur. Ceremonia është organizuar sipas traditave në prani të shumë miqve e familjarëve, por askush nga ta sikur nuk e ka kuptuar se të sapomartuarit janë ende fëmijë. Në videon e dasmës që ka siguruar Magazina.al, shihet e gjithë dasma e çiftit të mitur që po habit Kosovën.
Fitimi është 14 vjeç dhe Zelfija 13-vjeçare. Në kurorëzimin e tyre shihen edhe shokët dhe shoqet e çiftit që janë ende fëmijë.
