Xhemi Shehu beson në besëtytnitë dhe ka disa objekte të caktuara që i mban gjithnjë me vete nëse do që dita t’i ecë mbarë.
Moderatorja ka treguar në episodin e radhës të “Sekreteve të Portokallisë”, se që në momentin që vjen në punë, ajo parkon gjithnjë në të njëjtën anë të parkimit.
Edhe kur parkimi është i zënë, ajo e gjen një cep dhe madje pret deri sa t’ia lirojnë vendin.
Xhemi ka treguar edhe disa aksesorë që mban gjithnjë me vete, si çanta për shembull apo atletet, një apo dy palë që i ka siç thotë ajo “të pranueshme”.
“Nëse vesh diçka për herë të parë dhe më shkon dita mbrapsht, unë ja vë fajin bluzës apo diçkaje të re që kam marrë me vete dhe nuk e përdor më kurrë”.
Pra Xhemi mund të jetë nga ato femra që beson edhe te profecia e maces së zezë, dhe ndërron rrugë kur e sheh.
Madje ajo tha se ka edhe një parfum që e përdor të premten dhe të shtunën dhe nuk e di si do të bëjë kur t’i mbarojë!
